موسم خزاں میں بالوں کی خوبصورتی کو برقرار رکھنے کے چند مفید نسخے

 

موسم خزاں میں خشکی اور خنکی کی وجہ سے سر کی جلد متاثر ہوجاتی ہے جس سے بال روکھے اور بے جان سے ہو جاتے ہیں  اور بالوں کی خوبصورتی میں کمی آجاتی ہے لیکن چند گھریلو نسخوں سے بالوں کی خوبصورتی برقرار رہ سکتی ہے۔

سیب: 

فوٹو فائل۔

سیب میں آئرن کی مقدار زیادہ ہوتی ہے جو بالوں کی نشوونما میں مدد کرتی ہے ۔آدھے سیب کے رس میں ایک چوتھائی کپ پانی ملا کر سر کی جلد پر اچھی طرح لگائیں اور آدھے گھنٹے بعد شیمپو سے سر دھولیں اس سے بالوں کی مضبوطی اور چمک برقرار رہے گی ۔

بے بی آئل :

بے بی آئل کا مساج بھی خشکی دور کرتا ہے۔ رات میں بے بی آئل کا مساج کریں اور تولئے سے سر ڈھانپ لیں ۔صبح اینٹی ڈینڈرف شیمپو سے سر کو دھولیں، اس سے خشکی میں کمی آجاتی ہے۔

ملتانی مٹی:

فوٹو فائل۔

ملتانی مٹی بھی سر کی خشکی کو بھگانے میں مفید ہوتی ہے ۔یہ نہ صرف سر کی خارش کو کنٹرول میں رکھتی ہے بلکہ جلد پر ٹھنڈک کا بھی احساس دیتی ہے ۔آدھا کپ ملتانی مٹی کو پانی میں بھگو دیں اور گاڑھا پیسٹ بنالیں اس میں ایک لیموں کا رس شامل کر لیں اور پورے سر پر اس پیسٹ کو لگا کر 20 منٹ کے لیے چھوڑ دیں۔ اور نیم گرم پانی سے سر دھولیں ۔ہفتہ میں دو بار کے استعمال سےکافی فرق ہوگا۔

ادرک اور چقندر:

فوٹو فائل۔

ادرک اور چقندر کا استعمال چہرے کی جلد سمیت بالوں کی جلد کے لئے بھی بے انتہا مفید ہے۔

 سر میں ہونے والی خشکی کے لئے ادرک اور چقندر کو برابر مقدار میں لے لیں اور پیسٹ بنا ئیں جس میں دو سے تین قطرے تل کا تیل ڈال دیں، اب اس پیسٹ کو سر کی جلد پر اچھی طرح لگائیں اور رات بھر لگا کر صبح سر دھو لیں ۔

 4 سے 5 دفعہ کے استعمال سے خشکی کا مکمل طور پر خاتمہ ہو جائے گا۔

لیموں:

لیموں کو کاٹ کر بالوں کی جڑوں پر رگڑیں یا دہی میں ملاکر سر پر لگائیں ۔ اس سے بالوں میں زائد تیل نکل جاتا ہے اور خشکی بھی دور ہوجاتی ہے۔

مزید خبریں :