تصاویر: برائیڈل فیشن ویک لاہورمیں ختم

لاہور میں سجنے والا تین روزہ پیرس لوریل برائڈل فیشن ویک (پی ایل بی ڈبلیو) رعنائیاں بکھیر کر ختم ہو گیا۔

پاکستان فیشن ڈیزائنر کونسل (پی ایف ڈی سی) کی جانب سے منعقد کیا گیا پی ایل بی ڈبلیو 2017، 14 اکتوبر سے 16 اکتوبر تک لاہور جاری رہا جس میں ملکی اور غیرملکی ماڈلز نے عروسی اور دیگر ملبوسات کی نمائش کی گئی۔

برائڈل فیشن شو میں پاکستان کے نامور ڈیزائنر ثنا سفیناز، شیزا حسن،علی ذیشان، میشا لاکھانی، ماہ گل، فائزہ سقلین، سانیا مسکیتا، حمزہ بخاری اور دیگر نے اپنے ملبوسات کے ڈیزائن متعارف کروائے جب کہ نامور اداکار فواد خان کی اہلیہ صدف خان نے اپنے فیشن کلیکش کا پہلا ڈبیو 'الئینا' کے نام سے کیا۔

پاکستان سمیت کئی انٹرنیشنل ماڈلز اور ستاروں جن میں حریم فاروقی، حمیمہ ملک، ریشم، ماہرہ خان، سجل علی اور احد رضا میر نے شرکت کرکے شو کو چار چاند لگائے جب کہ گلوکار علی سیٹھی نے بھی اپنی آواز کا جادو جگایا۔

برائڈل فیشن ویک میں خواتین کے عروسی ملبوسات کے ساتھ مَردوں  کے ملبوسات بھی کی نمائش کی گئی۔