17 اکتوبر ، 2017
کراچی میں پبلک بس میں معمولی کرایے پر پہلے تکرارکے بعد ہاتھا پائی کے دوران بس کے کنڈکٹر نے مسافر کی جان لے لی۔
پولیس کے مطابق کراچی کے علاقے بہادر آباد سے سائیٹ جانے والی بس میں مسافر اور کنڈیکٹر کے درمیان کرایے پر جھگڑا ہوا، جو بڑھ کر شدت اختیار کرگیا۔
پولیس کا کہنا ہے کہ کنڈیکٹر نے تیز دھار آلے سے مسافر پر وار کیا، اور اسے زخمی حالت میں سڑک پر پھینک کر فرار ہوگئے۔ پولیس نے بس کے ڈرائیور کو حراست میں لے کر تحقیقات شروع کردی ہیں۔
پولیس کے مطابق مسافر کو قتل کرنے والے بس کنڈیکٹر کو بھی لڑائی کے دوران چوٹیں آئیں لیکن وہ فرار ہونے میں کامیاب ہوگیا لیکن اس کی تلاش جاری ہے۔
دوسری جانب زخمی ہونے والے مسافر کی شناخت تاحال نہ ہوسکی ہے۔