پاکستان
Time 20 اکتوبر ، 2017

ڈاکٹروں نے مفتی عبدالقوی کی طبعیت تسلی بخش قرار دیدی

ملتان: ڈاکٹروں نے مفتی عبدالقوی کی طبعیت کو تسلی بخش قرار دے دیا۔

گزشتہ روز جوڈیشل مجسٹریٹ نے قندیل بلوچ قتل کیس میں مفتی عبدالقوی کا 4 روزہ جسمانی ریمانڈ منظور کرکے انہیں پولیس کے حوالے کیا تھا۔

گزشتہ رات مفتی عبدالقوی کو دل میں تکلیف ہوئی اور طبعیت بگڑنے پر انہیں انسٹی ٹیوٹ آف کارڈیالوجی منتقل کیا گیا جہاں ڈاکٹروں نے فوری انہیں طبی امداد فراہم کی اور مختلف ٹیسٹ کیے گئے۔

اسپتال کے ایم ایس ڈاکٹر ظفر علوی کا کہنا ہے کہ مفتی عبدالقوی پہلے سے دل کے عارضے میں مبتلا ہیں تاہم اب ان کے تمام ٹیسٹ نارمل آئے ہیں اور ان کی طبعیت بہتر ہے تاہم ان کو اسپتال سے ڈسچارج کرنے کا فیصلہ مزید رپورٹس کے بعد کیا جائے گا۔

واضح رہےکہ پولیس نے مفتی عبدالقوی کو قندیل بلوچ قتل کیس میں ضمانت خارج ہونے کے بعد جھنگ جاتے ہوئے گرفتار کیا تھا۔

مزید خبریں :