چین میں قومی ترانے کی بے ادبی پر 3 سال کی سزا
04 نومبر ، 2017
چین نے قومی ترانے کی بے ادبی کرنے والوں کے لیے تین سال جیل کی سزا کا قانون پاس کیا ہے۔
چینی میڈیا کے مطابق ملک کے فوجداری قانون میں تبدیلی کی منظوری نیشنل پیپلز کانگریس کی ایک کمیٹی کے اجلاس کے دوران دی گئی۔
نئے قانون کے مطابق قومی ترانے کی بے ادبی کرنے والوں کو سیاسی حقوق سلب ہونے اور تین سال تک جیل کی سزاؤں کا سامنا کرنا پڑ سکتا ہے۔
چین ایک عرصے قومی ترانے کے حوالے سے قانون کو سخت کر رہا ہے کہ کس جگہ، موقعے اور طریقے سے اسے پڑھا جائے۔ یہ قانون پہلے لوگوں کو تقریبات، شادیوں اور آخری رسومات کے دوران قومی ترانہ بجانے یا پڑھنے سے روکتا ہے۔
چین کے قانون کے مطابق قومی ترانہ عوامی مقامات پر بیک گراؤنڈ میوز ک کے طور پر نہیں بجایا جا سکتا اور نہ ہی ذاتی حیثیت سے اسے خراب انداز میں پڑھا جا سکتا ہے۔
