سعودی عرب میں کنگ خالد ایئرپورٹ کے قریب بلیسٹک میزائل سے حملہ

سعودی میڈیا کے مطابق ریاض میں کنگ خالد ایئر پورٹ کے قریب بلیسٹک میزائل سے حملہ کیا گیا۔

عرب میڈیا کے مطابق کنگ خالد ایئرپورٹ پر یمن سے بلیسٹک میزائل کے ذریعے حملہ کیا گیا جسے سعودی عرب کے ایئر ڈیفنس سسٹم نے ناکام بنا دیا۔

قبل ازیں سعودی ملٹری اتحاد نے اپنے بیان میں کہا تھا کہ تین روز قبل یمن کے شمالی صوبے ساداہ کی مارکیٹ میں کیا جانے والا فضائی حملہ عسکری ہدف تھا۔

غیر ملکی خبر ایجنسیوں کے مطابق اتحادی افواج کی جانب سے مارکیٹ اور ایک ہوٹل پر کی جانے والی اس فضائی کارروائی میں 26 افراد ہلاک ہوئے تھے۔