Can't connect right now! retry
Advertisement

انٹرٹینمنٹ
13 نومبر ، 2017

62 سالہ کامیڈین مسٹر بین کے ہاں ننھے مہمان کی آمد متوقع

خاموش کردار مسٹر بین سے شہرت کی بلندیوں پر پہنچنے والے 62 سالہ اداکار رووان ایٹکنسن کے ہاں ننھے مہمان کی آمد متوقع ہے۔

مسٹر بین نے تین سال قبل اداکارہ لیوس فورڈ سے مراسم قائم کئے جو ان سے 29 سال چھوٹی ہیں جب کہ ان سے پہلے وہ 2015 میں اپنی پہلی بیوی کو طلاق دے چکے ہیں۔

مسٹر بین اور ان کی اہلیہ لیوس کے درمیان پہلی ملاقات 2013 کے اسٹیج پلے 'دی کوارٹر مائنس' میں ہوئی جس کے بعد دونوں کے درمیان دوستی بڑھتی گئی جو 2015 میں رشتے میں ڈھل گئی۔

اداکار رووان (مسٹربین) اور اداکارہ لیوس فورڈ کے ہاں یہ پہلے بچے کی آمد ہے جس پر وہ بے حد خوش ہیں لیکن مسٹر بین کی پہلی بیوی سے 2 بچے، باپ کی دوسری شادی سے نا خوش ہیں۔

حال ہی میں مسٹر بین کی 22 سالہ بیٹی للی نے اپنے نام کے ساتھ لگے باپ کے نام کو ہٹا کر والدہ کا نام لگا لیا جب کہ انہوں نے سوشل میڈیا سے بھی اپنی تمام تصاویر ڈیلیٹ کردیں۔

مسٹر بین کی پہلی بیوی سنترا ساستری کے ساتھ ایک تصویر

مسٹر بین نے برطانوی نشریاتی ادارے بی بی سی میں بحیثیت میک اپ آرٹسٹ کام کرنے والی 25 سالہ سنترا ساستری سے پہلی شادی کی جس سے ان کے دو بچے 23 سالہ بیٹا بین اور 22 سالہ بیٹی للی ہے۔ 

سنترا ساستری نے شوہر سے اختلافات کے بعد 2015 میں طلاق لے لی تھی جس کے بعد سے وہ اپنے بچوں کے ساتھ رہ رہی ہیں اور مسٹر بین اپنی نئی دلہنیا کے ساتھ۔

Advertisement