پاکستان
Time 14 نومبر ، 2017

کراچی میں بارش کا کوئی امکان نہیں، محکمہ موسمیات

دو روز قبل محکمہ موسمیات نے کراچی کے شہریوں کو بارش کی خوشخبری سنائی تھی لیکن اب شہر قائد کے باسیوں کے لئے بری خبر یہ ہے کہ بارش کا کوئی امکان نہیں۔ 

محکمہ موسمیات کا کہنا ہے کہ ایران سے آنے والا بارش برسانے والا سسٹم سندھ سے نکل گیا ہے جس کے بعد کراچی میں بارش کا کوئی امکان نہیں۔ 

محکمہ موسمیات کے مطابق کراچی میں کم سے کم درجہ حرارت 19 ڈگری سینٹی گریڈ ریکارڈ کیا گیا اور زیادہ سے زیادہ درجہ حرارت 33 ڈگری سینٹی گریڈ رہنے کا امکان ہے۔

محکمہ موسمیات کا کہنا ہے کہ کراچی میں ہوا میں نمی کا تناسب 87 فیصد ہے اور جنوب مغربی علاقوں سے ہوائیں چلنے کا امکان ہے۔

دوسری جانب گزشتہ روز کی بارش اور سرد ہوائیں چلنے سے کوئٹہ میں سردی کی شدت میں اضافہ ہوگیا جب کہ محکمہ موسمیات کا کہنا ہے کہ وادی کوئٹہ اور گرد و نواح میں موسم جزوی ابر آلود ہے اور آئندہ 24 گھنٹوں کے دوران بارش کا امکان ہے۔

مزید خبریں :