Can't connect right now! retry
Advertisement

انٹرٹینمنٹ
15 نومبر ، 2017

انڈونیشیا کی حسینہ نے 57 واں عالمی مقابلہ حسن اپنے نام کرلیا

21 سالہ حسینہ کیون للیانا نے 57ویں مس انٹرنیشنل مقابلہ حسن کا ٹائٹل اپنے نام کیا—۔اسکرین گریب

ٹوکیو: 57 ویں مس انٹرنیشنل مقابلہ حسن کا تاج انڈونیشیا کی 21 سالہ حسینہ کیون للیانا (Kevin Lilliana) کے سر پر سج گیا۔

جاپان کے دارالحکومت ٹوکیو میں 57 ویں مس انٹرنیشنل مقابلہ حسن کا انعقاد کیا گیا۔

ٹوکیو کے ڈوم سٹی ہال میں منعقد ہونے والے اس مقابلہ حسن میں دنیا بھر کے 69 ممالک کی حسیناؤں نے حصہ لیا۔

فائنل راؤنڈ میں شرکت کے لیے ججز کی جانب سے 5 خوبرو حسیناؤں کا انتخاب کیا گیا۔

مِس انٹرنیشنل کیون کو گذشتہ سال کی فاتح حسینہ نے تاج پہنایا—۔اسکرین گریب

 تاہم حسن اور ذہانت کے شعبے میں دنیا بھر سے آئی حسیناؤں کو مات دیتے ہوئے انڈونیشیا کی 21 سالہ ماڈل کیون للیانا 57واں مس انٹرنیشنل کا ٹائٹل اپنے نام کرنے میں کامیاب رہیں۔

مِس انٹرنیشنل کے سالانہ مقابلے میں کیوراساؤ کی حسینہ دوسرے جبکہ وینزویلا کی بیوٹی کوئین تیسرے نمبر پر رہیں۔

مِس انٹرنیشنل کیون کو گذشتہ سال کی فاتح حسینہ نے تاج پہنایا جس پر ان کی خوشی دیدنی تھی۔

Advertisement