Can't connect right now! retry
Advertisement

پاکستان
24 نومبر ، 2017
,

مسلم لیگ ن اور پی ٹی آئی میں دوسرا مقبول ترین رہنما کون؟

جنگ جیو دی نیوز کے لیے پلس کنسلٹنٹ اور گیلپ پاکستان کی جانب سے کیے گئے حالیہ سروے میں عوام سے مختلف سیاسی جماعتوں میں ان کے سربراہ کے بعد دوسری مقبول ترین شخصیت کے بارے میں بھی سوال کیا گیا۔

دونوں سرویز میں نوازشریف کے بعد پاکستان مسلم لیگ نواز میں دوسری مقبول ترین شخصیت شہباز شریف کی قرار پائی۔

— Created by Geo News Creative

شہباز شریف کو دونوں سرویز میں 50 فیصد افراد نے ووٹ کیا۔

گیلپ پاکستان میں 11 فیصد اور پلس کنسلٹنٹ میں 10 فیصد نے مریم نواز کو ووٹ کیا۔ چوہدی نثار کو دونوں سرویز میں 8 فیصد کے ساتھ تیسرے نمبر پر رہے۔

— Created by Geo News Creative

یہی سوال جب تحریک انصاف کے حوالے سے لوگوں سے پوچھا گیا تو عمران خان کے بعد شاہ محمود قریشی پی ٹی آئی کے مقبول ترین رہنما کے طور پر سامنے آئے۔ انہیں گیلپ پاکستان میں 36 فیصد اور پلس کنسلنٹ میں 25 فیصد لوگوں نے ووٹ دیا۔

جہانگیر خان ترین کو دونوں سرویز میں 15 فیصد لوگوں نے منتخب کیا۔



ادارتی نوٹ:

یہ سرویز بین الاقوامی سطح پر تسلیم شدہ پاکستانی اداروں گیلپ پاکستان، پلس کنسلٹنٹ نے جنگ-جیو -نیوز ((JGNکےلیے الگ الگ کیے ہیں ۔ ان میں مجموعی طور پر ملک بھر سے شماریاتی طور پرمنتخب 6 ہزار سے زائد افراد نے حصہ لیا ۔

یہاں واضح رہے کہ اس پول کے لیے دو مختلف اداروں کی خدمات حاصل کرنے کا مقصد رائے عامہ کو مزید شفاف طریقے سے سامنے لانا ہے۔اس قسم کے سرویز کو حتمی تصور نہیں کیا جا سکتا اور یہ صرف رائے عامہ کا ایک جائزہ پیش کرتے ہیں اور ان میں غلطی کی گنجائش ہوتی ہے ۔

دنیا کے بڑے میڈیا ہاؤسز رائے عامہ کو جاننے کے لیے وقتاً فوقتاًاس قسم کے سروے کرواتے ہیں ۔ جیو نیوز پاکستان کا بڑا میڈیا ہاؤس ہونے کے ناطے ماضی میں بھی اس قسم کے سرویز قومی امور پر پیش کرتا رہا ہے ۔

Advertisement