کرپشن الزام میں گرفتار سعودی شہزادہ مطعب ڈیل کے بعد رہا

ریاض: کرپشن کے الزام میں گرفتار سعودی عرب کے سابق فرماں روا شاہ عبداللہ کے صاحبزادے شہزادہ مطعب کو ایک ڈیل کے بعد رہا کردیا گیا۔

خبر ایجنسی کے مطابق سعودی حکام نے تصدیق کی ہے کہ تین ہفتے قبل کرپشن کے الزام میں گرفتار کیے گئے شہزادہ متعب بن عبداللہ کو ایک ارب ڈالر واپس کرنے کے سمجھوتے پر رہا کردیا گیا ہے۔ 

شہزادہ مطعب ان 200 اہم سیاسی و کاروباری شخصیات میں سے ایک ہیں جنہیں 4 نومبر کو نظربند کیا گیا اور حکام کی جانب سے گرفتار افراد میں سے وہ سب سے زیادہ بااثر سمجھے جانے والے شہزادے ہیں۔

کرپشن کے الزام میں گرفتار سعودی شہزادوں میں کھرب پتی الولید بن طلال بھی شامل

شہزادہ الولید بن طلال شاہ سلمان کے سوتیلے بھتیجے ہیں اور ان کا شمار دنیا کے امیر ترین افراد میں ہوتا ہے۔

64 سالہ شہزادہ مطعب سعودی عرب کے نیشنل گارڈ کے سربراہ بھی تھے جنہیں گرفتاری سے کچھ دیر قبل ہی عہدے سے ہٹا دیا گیا تھا۔

مغربی میڈیا نے دعویٰ کیا ہے کہ کرپشن کے الزام میں گرفتار مزید تین شخصیات نے ڈیل کرلی ہے تاہم ان افراد کے نام ظاہر نہیں کیے گئے۔

خیال رہے کہ ولی عہد شہزادہ محمد بن سلمان کی سربراہی میں بننے والی انسداد بدعنوانی کمیٹی کے حکم پر 4 نومبر کو 11 شہزادوں سمیت درجنوں سابق وزرا کو گرفتار کیا گیا تھا۔

کرپشن کے الزام میں گرفتار سعودی شہزادے زمین پر سونے پر مجبور

11 شہزادے، وزراء اور دیگر بااثر شخصیات کو قید کرنے کے لیے ریاض کا فائیو اسٹار ہوٹل سب جیل میں تبدیل

گرفتار ہونے والوں میں معروف سعودی کاروباری شخصیت شہزادہ الولید بن طلال سمیت دیگر کئی اہم اور بااثر افراد بھی شامل تھے۔ 

سعودی عرب کے اٹارنی جنرل کے مطابق ملک میں حالیہ عشروں کے دوران ایک کھرب ڈالر کی خورد برد ہوئی ہے۔