Can't connect right now! retry
Advertisement

دلچسپ و عجیب
03 دسمبر ، 2017

ایک ٹانگ سے محروم کشمیری نوجوان نے ہمت کی مثال قائم کردی


مقبوضہ کشمیر میں ایک ٹانگ سے محروم کرکٹر نے اپنے شوق کی راہ میں حائل معذوری کو بھی شکست دے دی۔

مقبوضہ کشمیر سے تعلق رکھنے والے شبیر بٹ نے ناممکن کو ممکن کردکھایا، ایک ٹانگ سے محرومی بھی شبیر کے شوق کی تکمیل میں آڑے نہ آسکی۔

شبیر نے بیساکھی کو اپنی کمزوری بنانے کے بجائے ہمت کی مثال قائم کرتے ہوئے بلے کو اپنا سہارا بنایا اور صرف ایک ٹانگ کے سہارے ہی بیٹنگ میں لوہا منوا لیا۔

شبیر بٹ کا کہنا ہے کہ انہوں نے صرف یہ ثابت کرنے کے لیے کبھی ہمت نہیں ہاری کہ وہ ایک ٹانگ سے محروم ہونے کے باوجود معذور نہیں ہے۔

شبیر بٹ نے اس بات کا اعتراف کیا شروع میں توازن قائم رکھنے میں انہیں مشکل ہوئی تھی تاہم جب انہوں نے بیساکھی پھینک کر بلا تھام لیا تو توازن بھی آگیا۔

شبیر بٹ نے دنیا کو پیغام دیا کہ جو لوگ صحیح سلامت ہونے کے باوجود پریشان رہتے ہیں انہیں ان کی جانب دیکھنا چاہیئے اور کبھی ہمت نہیں ہارنی چاہیے۔

Advertisement