اظہر علی کی سنچری کےساتھ کرکٹ میں واپسی

پاکستان کے ٹیسٹ بیٹسمین اظہر علی نے انجری کے بعد قائد اعظم ٹرافی میں شاندار سنچری کے ساتھ کرکٹ میں کم بیک کیا ہے ۔

این بی پی اسپورٹس کمپلیکس پر اظہر علی نے ایس این جی پی ایل کی جانب سے کھیلتے ہوئے حبیب بینک کیخلاف 229 گیندوں پر 118 رنز بنائے۔ ان کی اننگز میں 12 چوکے شامل تھے۔

اس اننگز کے ساتھ اظہر علی نے فرسٹ کلاس کیرئیر کے دس ہزار رنز بھی مکمل کرلئے۔

یہ اظہر علی کا گھٹنے کی انجری سے نجات پانے کے بعد پہلا میچ تھا، وہ سری لنکا کیخلاف ون ڈے سیریز سے قبل انجری کی وجہ سے دو ماہ کیلئے کرکٹ سے دور ہوگئے تھے۔