Can't connect right now! retry
Advertisement

صحت و سائنس
06 دسمبر ، 2017

کراچی میں پولیو کا ایک اور کیس سامنے آگیا

کراچی میں پولیو کا دوسرا کیس سامنے آگیا جس میں 5 ماہ کا بچہ اس کا شکار ہوا ہے۔

ذرائع کے مطابق کراچی کے علاقے گڈاپ ٹاون کی یوسی 4 سے تعلق رکھنے والے پانچ ماہ کے زیب اللہ ولد غلام سخی کو پولیو کی ایک خوراک پلائی گئی تھی۔

ذرائع کا کہنا ہےکہ متاثرہ بچے کا حفاظتی ٹیکوں کا کورس بھی مکمل نہیں ہوا تھا۔

کراچی میں رواں سال سامنے آنے والا یہ پولیو کا دوسرا کیس ہے۔ 

اس سے قبل بھی گلشن اقبال یوسی 13 میں رہائش پذیر محمد غنی کے کمسن بیٹے قاسم میں پولیو وائرس کی تصدیق ہوئی تھی۔

اس کیس کے بعد ملک میں رواں سال اب تک پولیو کے کیسز کی تعداد 6 ہوچکی ہے۔

Advertisement