ملتان جوڈیشل کمپلیکس میں ہنگامہ آرائی کرنیوالے 20 وکلا نے گرفتاری دیدی

ملتان: جوڈیشل کمپلیکس میں ہنگامہ آرائی اور توڑپھوڑ کے مقدمے میں نامزد وکلا میں سے 20 وکلا نے گرفتاری دے دی۔

ملتان کے جوڈیشل کمپلیکس میں وکلا نے گزشتہ روز سہولیات کی عدم فراہمی پر شدید احتجاج کیا اور توڑ پھوڑ کی، مشتعل وکلا نے عدالت کے شیشے، دروازے اور کھڑکیاں توڑ دی تھیں جس پر پولیس ان کے خلاف مقدمہ درج کیا۔

ملتان:جوڈیشل کمپلیکس میں سہولتوں کی عدم فراہمی پر وکلاء کا احتجاج، توڑ پھوڑ

مشتعل وکلاء سیشن کورٹ میں داخل ہوگئے اور ڈنڈوں اور کرسیوں کا آزادانہ استعمال کرتے ہوئے دروازے، کھڑکیاں اور شیشے توڑ دیئے۔

جیونیوز کےمطابق پولیس کی جانب سے 50 وکلا کو ایف آئی آر میں نامزد کیا گیا ہے جب کہ مقدمے میں انسداد دہشت گردی سمیت 9 دفعات شامل کی گئی ہیں۔

پولیس کی بھاری نفری آج وکلا کو گرفتار کرنے چوک کچہری تو پہنچی تو وکلا نے احتجاجی مظاہرہ بھی کیا تاہم اس دوران کئی وکلا نے از خود ہی گرفتاری دے دی جس میں صدر ہائیکورٹ بار شیر زمان قریشی اور سابق صدر بھی شامل ہیں۔

پولیس کے مطابق ہنگامہ آرائی کے مقدمے میں نامزد وکلا میں سے 20 وکلا نے گرفتاری دی ہے۔

جب کہ وکلا بار کے رہنماؤں کا کہنا ہےکہ 40 وکلا نے پولیس کو گرفتاری دی ہے جس میں خواتین وکلا بھی شامل ہیں۔