عدالتی نظام میں اصلاحات کیلئے اجلاس آج ہوگا

کراچی: چیف جسٹس پاکستان نے عدالتی نظام میں اصلاحات کے لیے تمام ہائیکورٹس کے چیف جسٹس صاحبان کو آج طلب کرلیا۔

چیف جسٹس پاکستان جسٹس میاں ثاقب نثار کی سربراہی میں عدالتی اصلاحات کے لیے اجلاس میں چاروں صوبائی ہائیکورٹس کے چیف جسٹس صاحبان کو طلب کیا گیا ہے جب کہ اجلاس سپریم کورٹ کراچی رجسٹری میں ہوگا۔

’عدلیہ میں اصلاحات شروع کررہے ہیں، پھر کوئی نہ کہے مداخلت ہورہی ہے‘

سپریم کورٹ میں سی ڈی اے قوانین میں عدم مطابقت سے متعلق کیس کی سماعت، وزیر مملکت کیڈ طارق فضل عدالت میں پیش ہوئے

اس سے قبل جمعرات کے روز عدالتی نظام میں اصلاحات کے لیے سپریم کورٹ اسلام آباد میں چیف جسٹس کی سربراہی میں اجلاس ہوا جس میں چیف جسٹس لاہور ہائیکورٹ جسٹس منصور علی شاہ سمیت دیگر شریک ہوئے۔

واضح رہےکہ گزشتہ دنوں سپریم کورٹ میں سی ڈی اے قوانین سے متعلق کیس کی سماعت کے دوران چیف جسٹس نے ریمارکس دیئے تھے کہ ’عدالتی نظام میں ہم اصلاحات لے کر آئیں گے، عدلیہ میں بھی ایک ہفتے میں اصلاحات شروع ہوجائیں گی، ویسے یہ ہمارا کام نہیں، ہمارے اصلاحات لانے پر پھر کوئی یہ نہ کہے کہ ہم مداخلت اور تجاوز کر رہے ہیں‘۔