Can't connect right now! retry
Advertisement

پاکستان
14 جنوری ، 2018

عمران خان کی گھٹیا سیاست پر قوم انہیں معاف نہیں کریگی، عائشہ گلالئی

تحریک انصاف کی منحرف رہنما عائشہ گلالئی کا ویڈیو بیان—اسکرین گریب

اسلام آباد: رکن قومی اسمبلی اور تحریک انصاف کی منحرف رہنما عائشہ گلالئی نے چیئرمین تحریک انصاف عمران خان کو شدید تنقید کا نشانہ بناتے ہوئے کہا کہ ان کے گھٹیا ٹرینڈ اور سیاست پر قوم انہیں کبھی معاف نہیں کرے گی۔

عائشہ گلالئی نے چند روز قبل اپنے ویڈیو بیان کی وضاحت کرتے ہوئے کہا کہ ان کے بیان کو کٹ پیسٹ کر کے غلط تاثر دینے کی کوشش کی گئی جب کہ انہوں نے بیان میں اپنے والد صاحب کی بات دہرائی تھی۔

عائشہ گلالئی کا وضاحت دیتے ہوئے کہنا تھا کہ ان کے بیان کو عمران خان کی سوشل میڈیا ٹیم نے سیاق و سباق سے ہٹ کر پیش کیا ۔

ان کا کہنا تھا کہ ان کے والد صاحب نے کہا تھا کہ عمران خان خانہ بدوش ہیں اور ان سے بہت خوف کھاتے ہیں اگر دونوں کو ایک کمرے میں بند کر دیا جائے تو عمران خان دو منٹ میں رونا شروع کردیں گے۔

تاہم نئی ویڈیو بیان میں عائشہ گلالئی نے عمران خان پر غصے کا اظہار کرتے ہوئے کہا کہ عمران خان پوری دنیا میں بہادری کے قصے سناتے ہیں لیکن وہ بزدل شخص ہے۔

انہوں نے کہا کہ عمران خان کی گھٹیا ٹرینڈ اور سیاسی کلچر پر قوم انہیں کبھی معاف نہیں کرے گی جب کہ ایسا گندا اور جھوٹا شخص کبھی تاریخ میں دیکھنے کو نہیں ملے گا۔

عائشہ گلالئی کا کہنا تھا کہ عمران خان اس قوم کی بیٹی کی عزت اچھلانے کی کوشش کر رہے ہیں جس نے انہیں ووٹ دیا، وہ ڈرنے والی نہیں، ہمیں اپنی اخلاقیات کا پتا ہے، اس قسم کے اقدامات سے ڈر نہیں سکتے۔  

Advertisement

مزید خبریں :

Advertisement