شیر اور ننھی پری کی انوکھی دوستی، دیکھنے والے بھی حیران

ترکی کے شہر استنبول کے ایک ریسٹوڑنٹ میں موجود شیر کی بچی سے دوستی نے سب کی توجہ اپنی جانب مبذول کروالی۔

میوزو ریسٹورنٹ میں موجود اس شیر کو ایک شیشے کے پنجرے میں بند رکھا گیا ہے، لیکن وہ بچی سے ایسا متاثر ہوا کہ جس طرف وہ رخ کرتی، وہ بھی اس کے ساتھ ساتھ چل پڑتا۔

ریسٹورنٹ میں موجود دیگر لوگ بھی دونوں کو کھیلتا ہوا دیکھ کر خوب حیران ہوئے، جس کی ویڈیو سوشل میڈیا پر بھی وائرل ہورہی ہے۔


اس ریسٹورنٹ میں شیر کے علاوہ مگرمچھ، سانپ، گھوڑے، خرگوش اور دیگر پرندے بھی موجود ہیں۔

سوشل میڈیا پر وائرل اس ویڈیو کو دیکھ کر جہاں متعدد افراد لطف اندوز ہو رہے ہیں، وہیں کچھ صارفین کا کہنا ہے کہ جانوروں کے بھی حقوق ہیں اور انہیں ریسٹورنٹ میں اس طرح قید کرکے رکھنا غیر قانونی ہے۔

مزید خبریں :