کوئٹہ کے پولیس ٹریننگ کالج پر حملے کے باعث سرکاری سطح پر سوگ کا اعلا ن کیا گیا ہے جبکہ انجمن تاجران کی کال پر ہڑتال کی جارہی ہے ۔
کوئٹہ میں سانحہ پولیس ٹریننگ کالج پر صوبائی حکومت کی جانب سے سرکاری عمارتوں پریوم سوگ کی مناسبت سے سرکاری پرچم سر نگوں ہے۔
سانحہ پولیس ٹریننگ کالج کےخلاف شہر میں شٹرڈاؤن ہڑتال کی کال دی گئی ہے، شٹرڈاؤن کےموقع پرشہر میں کاروباری مراکز اور دکانیں بند ہیں جبکہ مختلف سیاسی جماعتوں نے بھی شٹر ڈاؤن ہڑتال کی حمایت کا اعلان کیا ہے۔
بلوچستان بارکونسل کی اپیل پر عدالتوں میں بھی وکلاء بائیکاٹ کر رہے ہیں ۔