ملک میں طویل عرصے سے بارشیں نہ ہونے پر لاہور میں محکمہ زراعت کے ملازمین نے نماز استسقاء ادا کی ،جس میں شہریوں کی بڑی تعداد نے بھی شرکت کی ۔
ملک میں طویل عرصے سے بارشیں نہیں ہو رہیں اور خشک موسم کے باعث فضا آلودہ ہونے کے ساتھ موسمی بیماریاں بھی پھیل رہی ہیں ۔
محکمہ زراعت پنجاب کےآفس میں ملازمین اور شہریوں سمیت سیکڑوں افراد جمع ہوئے اور بارش کے لیے نماز استسقاء ادا کی ، شرکاء ملک میں جاری خشک موسم کے خاتمے اور رحمت باراں کے لیے دعائیں مانگتے رہے ۔
شرکاء کا کہنا تھا کہ مسلسل خشک موسم کے باعث شہری زکام ، بخار ، کھانسی اور گلے کی خرابی سمیت مختلف موسمی بیماریوں میں مبتلا ہو رہے ہیں ۔
ان کا کہنا تھا کہ بارشیں نہ ہونے سے فضامیں آلودگی بڑھ رہی ہےجبکہ یہ خشک سالی فصلوں کے لیے بھی نقصان دہ ہے۔