متحدہ قومی موومنٹ پاکستان کے سربراہ فاروق ستار نے کہا ہے کہ کراچی کو ایشیا کا صاف ستھرا شہر بنائیں گے اور دیر پاامن قائم کریں گے ۔
کراچی میں میڈیا سے گفتگو کرتے ہوئے فاروق ستار نے بتایا کہ عہد کیا ہے مخصوص یوسیز کو ماڈل یوسیز میں تبدیل کردیں گے، آہستہ آہستہ کراچی کا نقشہ بدل دیں گے۔
انہوںنے کہا کہ ہماری طاقت عوام کا اتحاد ہے،نئے سال پر نئے سفر کا آغاز کیا ہے، جتنے بھی وسائل ہیں اس میں عوام کی خدمت کریں گے۔
فاروق ستار نے مزید کہا کہ شہر میں دیر پا امن قائم کریں گے،جس میں عوام کی شمولیت ہوگی۔