متحدہ قومی موومنٹ پاکستان کے رہنما خواجہ اظہار الحسن نے کہا ہے کہ 17 فروری کا جلسہ ایم کیو ایم کے مینڈیٹ کی چائنا کٹنگ کرنے والوں کے لیے آخری کیل ثابت ہوگا۔
حیدرآباد پریس کلب میں پریس کانفرنس کرتے ہوئے خواجہ اظہار الحسن نے کہا کہ جس گراؤنڈ میں سیاسی مخالفین جلسہ کریں گے وہاں وہ بھی جلسہ کریں گے۔
انہوں نے کہا کہ چائنا کی سیاسی پارٹیوں کو ایم کیو ایم کی تقسیم نہ سمجھیں، نقالوں سے ہوشیار رہیں ہماری کوئی دوسری برانچ نہیں ہے۔
خواجہ اظہار کا کہنا تھا کہ وزیر اعلیٰ کہتے ہیں کہ اختیارات کا رونا نہ روئیں، وہ اس لئے کہتے ہیں کہ اختیارات ان کے پاس رہیں، ہمارا وزیر اعلیٰ آگیا تو پی پی پی کو گھر جیسا ماحول دیں گے۔