امیر جماعت اسلامی کراچی نعیم الرحمان نے ایک بار پھر کے الیکٹرک کے خلاف چوبیس مئی کو شارع فیصل پر دھرنا دینے کا اعلان کردیا۔
کراچی میں پریس کانفرنس کرتے ہوئے نعیم الرحمان نے کہا کہ گورنر سندھ نے کے الیکٹرک کو راہ راست پر لانے کے لیے پندرہ دن کی مہلت مانگی تھی جو اب ختم ہوگئی۔
انہوں نے کہا کہ کے الیکٹرک نے بجلی کی فراہمی بہتر بنانے کے بجائے غیراعلانیہ لوڈ شیڈنگ میں اضافہ کردیا ہے ، شہریوں کو اضافی بل بھیجے جارہے ہیں اور مرمت کے نام پر کئی کئی گھنٹے بجلی بند رکھی جارہی ہے۔