اقوام متحدہ نے خبردار کیا ہے کہ غزہ پٹی میں توانائی کے بحران سے پانی کی فراہمی اور صحت کا شعبہ شدید متاثر ہو رہا ہے، جس سے علاقے میں نقص امن کا خدشہ ہے۔
اقوام متحدہ کے ایلچی نکولے مالادینوو نے سلامتی کونسل کو بتایا کہ اسرائیل، حماس، اور فلسطینی انتطامیہ، سب پر غزہ کے باشندوں کی فلاح و بہبود کی ذمہ داری عائد ہوتی ہے۔
غزہ کو بجلی فراہم کرنے والا ایک پاور پلانٹ گزشتہ ماہ کی 16 تاریخ کو فلسطینی انتظامیہ اور حماس کے درمیان فیول ٹیکسیشن پر اختلاف رائے کے بعد بند کر دیا گیا تھا۔
رپورٹ کے مطابق بند کئے جانے والے پاور پلانٹ سے غزہ کو 30 فیصد بجلی کی فراہم کی جاتی ہے۔