پاکستان کو چیمپئنز ٹرافی کے سیمی فائنل میں لے جانے کیلئے جیت سے ہمکنار کرنے والے اور اپنی کارکردگی کی وجہ سے اس میچ کے مین آف دی میچ قرار پانے والے سرفراز احمد کہتے ہیں کہ جیت کاکریڈٹ عامرکوبھی دوں گا،اس نےذمےداری سےبیٹنگ کی۔
کارڈف کے میدان میں پریس کانفرنس کرتے ہوئے انہوں نے مزید کہا کہ جیت کا سہرا ہمارے بالرز کو بھی جاتا ہے، فخرزمان اچھےکھلاڑی اور پاکستان کا مستقبل ہیں۔
سرفرازاحمد نے کہا کہ محمدعامر سےکہا تھاکہ نارمل کرکٹ کھیلیں گے، بولرز نے شاندار کارکردگی کا مظاہرہ کیا، مڈل آرڈر کی کارکردگی پرتشویش ہے، کل میٹنگ میں اس پر بات کریں گے۔
سرفراز احمد نے کہا کہ امید ہے مستقبل میں بھی ایسا ہی کھیل پیش کروں گا،آج قسمت نے بہت ساتھ دیا،انگلینڈ ورلڈ کلاس ٹیم ہے اس کے خلاف مثبت کرکٹ کھیلنا ہوگی۔
ادھر پاکستان ٹیم پرسلو اوورریٹ کے باعث جرمانہ عائد کردیا گیا،پاکستان ٹیم پر 10 فیصد اور کپتان پر 20 فیصد میچ فیس کا جرمانہ عائدکیا گیا ہے۔
دوسری جانب پاکستان 14جون کوایونٹ کے پہلے سیمی فائنل میں انگلینڈ کا مقابلہ کرے گا۔