لاہور میں پنجاب فوڈ اتھارٹی اور وزیر خوراک پنجاب نے سحری پوائنٹس پر چھاپے مارے ،برگر پوائنٹ کو سیل اور ریسٹورنٹ کو جرمانہ کر دیا۔
ڈی جی فوڈ اتھارٹی نور الامین مینگل کے مطابق وزیر خوراک پنجاب بلال یاسین کے ہمراہ ایم ایم عالم روڈ پر سحری پوائنٹس کی چیکنگ کی گئی۔
ایک برگر پوائنٹ کو زائد المیعاد تیل، بن اور ڈبل روٹی استعمال کرنے پر سیل کر دیا گیا۔
ڈی جی فوڈ اتھارٹی کے مطابق ایک فاسٹ فوڈ ریسٹورنٹ کو ناقص صفائی اور مضر صحت اجزاء کے استعمال پر ایک لاکھ روپے جرمانہ کیا گیا۔