بلوچستان کے رکن صوبائی اسمبلی عبدالمجید اچکزئی کی گاڑی کی ٹکر سے شہید کانسٹیبل کے اہل خانہ غم سے نڈھال ہیں، ان کا کہنا ہے کہ نہ دیت لیں گے، نہ معاف کریں گے۔
شہید کانسٹیبل کی والدہ نے ڈی جی خان میں ’جیو نیوز‘ سے گفتگو کرتے ہوئے کہا کہ ظالموں نے ان کا سہارا چھین لیا، بیٹے کی موت کے ذمے داروں کو سزا ملنی چاہیے۔
کانسٹیبل عطاء اللہ کے لواحقین نے اس سلسلے میں انصاف کرنے کا مطالبہ کرتے ہوئے کہا ہے کہ نہ دیت لیں گے، نہ معاف کریں گے۔
شہید کانسٹیبل کے پسماندگان میں دو بیٹیاں، تین بیٹے، بیوہ اور ضعیف والدین شامل ہیں۔