LIVE

رواں سال ٹیکس وصولی ہدف حاصل کرلیں گے، چیئرمین ایف بی آر

ویب ڈیسک
June 28, 2017
 

چیئرمین ایف بی آر ڈاکٹر محمد ارشاد نے کہا ہے کہ رواں مالی سال میں 35 سو بلین ٹیکس وصولی کا ہدف حاصل کرلیں گے۔

چیئرمین ایف بی آر پاکستان ڈاکٹر محمد ارشاد نے ڈسٹرکٹ انکم ٹیکس آفس کے افتتاح کے موقع پر میڈیا سے بات چیت کرتے ہوئے کہا کہ رواں مالی سال میں 35 سو بلین ٹیکس وصولی کا ہدف مقرر ہے اور اب تک 32 سو بلین سے زائد ٹیکس وصول کیا جا چکا ہے۔

انہوں نے بتایا کہ باقی ٹیکس ماہ رواں کے آخر تک وصول کرلیا جائے گا۔ انہوں نے مزید بتایا کہ ضلع کی سطح پر ٹیکس وصولی کے نظام کی بہتری کیلئے اقدامات کر رہے ہیں۔

چیئرمین ایف بی آر کا کہنا تھا کہ ڈائریکٹ ٹیکس بڑھیں گے تو انڈائریکٹ ٹیکس میں عوام کو چھوٹ دینے کیلئے راہ ہموار ہوگی۔