جاپان کے ایک فنکار نے کاغذ کی مدد سے کلائی کی گھڑیوں کی ہوبہو کاپیاں بنا کر سب کو حیران کردیا۔
جاپان کے علاقے سائی تاما سے تعلق رکھنے والے فنکار منابو کساکا کاغذ کی مدد سے کلائی کی گھڑیوں کی ہوبہو کاپی تیار کرنے کی صلاحیت رکھتا ہے۔
منابو کساکا اس قدر مہارت اور باریکی کے ساتھ کاغذ کی مدد سے گھڑی کے باریک ترین پرزے بھی تیار کرتا ہے جنہیں دیکھ کر عقل دنگ رہ جاتی ہے۔
دنیا کی مشہور گھڑی ساز کمپنیوں رولیکس اور کاسیو کی گھڑیوں کی کاپی کاغذ کی مدد سے تیار کرنا بچوں کا کھیل نہیں ہے لیکن منابو کساکا ان گھڑیوں کو بھی بغیر کسی تھری ڈی پرنٹر اور جدید مشینوں کے کاغذ کی مدد سے بنا لیتا ہے۔
منابو کساکا گھڑیوں کی تیاری کے لئے پہلے ایک پیپر پر ان کی ڈرائنگ تیار کرتا ہے اور پھر گلو، باریک بلیڈ، ٹوئزر اور دیگر ضروری آلات کا استعمال کرتا ہے۔
جاپانی فنکار کے کام کو دیکھ کر بالکل بھی یقین نہیں آتا کہ واقعی یہ گھڑیاں ہاتھ سے تیار کی گئی ہیں لیکن منابو کساکا اس کام میں اتنا ماہر ہو چکا ہے کہ اس کے لیے اس قسم کی گھڑیاں تیار کرنا اب کوئی مسئلہ نہیں ہے۔