جدید ٹیکنالوجی کے اس دور میں انسان جہاں نت نئی ایجادات سے آئے دن متعارف ہوتا ہے وہیں ان کے استعمال سے زندگی کئی گنا سہل بھی ہو گئی ہے۔
روس میں ڈرائیور کے بغیر برف پر چلنے والی ایک ایسی جدید ٹیکنالوجی کی حامل کار متعارف کروائی گئی ہے جسے چلانے کے لیے کسی ڈرائیور کی خدمات نہیں لینی پڑتی بلکہ وہ خود کار انداز میں خود بخود سڑکوں پر دوڑنے کی صلاحیت رکھتی ہے۔
ماہرین نے اس کار کا تجربہ بھی کیا جو نہایت کامیاب ثابت ہوا اور اس سیلف ڈرائیونگ کار نے انسانی دخل اندازی کے بغیرکئی کلو میٹر تک کا سفر خودکار انداز میں طے کیا۔
اس کار میں کئی سنسرز اور کیمرے نصب ہیں، آٹو سینسرزاور ڈرائیونگ سیٹ کے اوپر نصب کیمرہ کارمیں سوار مسافر کو کامیابی سے منزل تک پہنچانے میں مدد گار ثابت ہوتاہے۔
اب سڑکوں پر سفر کرنا نہ صرف آسان ہوجائے گا بلکہ گاڑی چلانے سے نا واقف افراد کوڈرائیونگ سیکھنے کی بھی ضرورت نہیں رہے گی۔