مصر کے دارالحکومت قاہرہ میں رہائشی عمارت گرنے سے کم از کم 10 افراد ہلاک اور متعدد زخمی ہو گئے۔
غیرملکی خبر رساں ادارے کے مطابق قاہرہ کے علاقے منصیت نصر میں 5 منزلہ رہائشی عمارت گرنے سے متعدد افراد ملبے تلے دب گئے۔
رپورٹ کے مطابق حادثے میں کم از کم 10 افراد ہلاک ہو چکے ہیں جبکہ 9 افراد کی لاشیں امدادی ٹیموں کے اہلکار ملبے سے نکال چکے ہیں۔
مصری حکام کے مطابق عمارت میں 12 خاندان رہائش پزیر تھے جبکہ امدادی ٹیموں کے اہلکار ملبے میں دبے مزید افراد کو تلاش کر رہی ہیں۔
حکام کے مطابق عمارت گرنے کی وجوہات کا تاحال علم نہیں ہو سکا ہے تاہم اس حوالے سے تحقیقات کا آغاز کر دیا گیا ہے۔