پاکستان پیٹرولیم نے راولپنڈی میں گیس کے ذخائر دریافت کرنے کا اعلان کیا ہے۔
پاکستان پیٹرولیم لیمیٹڈ نے اپنے شراکت داروں آئل اینڈ گیس ڈیویلپمنٹ کمپنی لیمیٹڈ اور پاکستان آئل فیلڈ ز لیمیٹیڈ کے ساتھ مل کر ضلع راولپنڈی میں گیس کی دریافت کا اعلان کیا ہے۔
دریافتی کنویں کی کھدائی کا آغاز 30 جون 2017 میں ہوا جسے 3395 میٹرز کی حتمی گہرائی تک پہنچایا گیا۔
پی پی ایل نے پاکستان اسٹاک ایکسچینج کو بھی آگاہی خط لکھا ہے جس میں بتایا گیا ہے کہ نئی دریافت سے یومیہ 2 اعشاریہ 62 ایم ایم سی ایف ڈی گیس حاصل ہوگی اور ساتھ ہی ہندرہ سو پچاس بیرل یومیہ تیل بھی حاصل ہوگا۔