کوئٹہ کے علاقے ڈبل روڈ پر پولیس موبائل کے قریب دھماکا ہوا جس میں ایک اہلکار شہید ہوگیا۔
اسپتال انتظامیہ کے مطابق دھماکے میں 10 افراد زخمی ہوئے جنہیں طبی امداد کیلئے اسپتال منتقل کردیا گیا جبکہ زخمیوں میں پولیس اہلکار بھی شامل ہیں۔
پولیس نے بتایا کہ دھماکا خیز مواد موٹر سائیکل میں نصب کیا گیا تھا، دھماکے سے ایک رکشہ اور 5 موٹرسائیکلوں کو بھی نقصان پہنچا، 4 گاڑیوں میں لگی آگ پر قابو پالیا گیا۔
ڈپٹی انسپکٹر جنرل آف پولیس (ڈی آئی جی) کوئٹہ عبدالرزاق چیمہ نے بتایا کہ ریپڈ ریسپانس گروپ کی گاڑی پیٹرولنگ پرتھی جس کونشانہ بنایا گیا۔
ڈی آئی جی کوئٹہ نے مزید بتایا کہ دھماکے میں 10 افراد زخمی ہوئےجن میں ریپیڈ ریسپانس گروپ کے 5 اہلکاربھی شامل ہیں۔
ڈی آئی جی کے مطابق گاڑی میں موجود اسنائپر شہید ہوا، امید کرتے ہیں جلد سیف سٹی پراجیکٹ شروع ہوگا۔