خطرناک سیلفی کے شوق نے ایک اور جان لے لی ، گجرات میں ریلوے لائن پر سیلفی بناتے ہوئے بارہویں جماعت کا طالب علم مبینہ طور پر ٹرین کی زد میں آکر جاں بحق ہوگیا۔
ریسکیو ذرائع کے مطابق بارہویں جماعت کا طالب جابر سروس موڑ ریلوے لائن پر موبائل فون سے سیلفی بنارہا تھا۔
اس دوران لاہور سے روالپنڈی جانے والی ٹرین کی زد میں آنے سے وہ زخمی ہو گیا۔
نوجوان کو طبی امداد کے لیے اسپتال منتقل کیا جارہا تھا کہ راستے میں ہی وہ دم توڑ گیا۔
گزشتہ ماہ اسی مقام پر سیلفی بناتے ہوئے تین نوجوان ٹرین کی زد میں آنے سے اپنی جانیں گنوا چکے ہیں۔