فیصل آباد میں والی بال کے کھلاڑیوں نے مخالف ٹیم سے کھیلنے پر ساتھی کھلاڑی کو انسانیت سوز تشدد کا نشانہ بنا ڈالا۔
پولیس کے مطابق متاثرہ نوجوان فرحان کو 4 افراد نے مبینہ طور پر اغواء کرکے تشدد کیا اور سردی میں برہنہ کرکے تذلیل کی۔
ویڈیو میں دیکھا جاسکتا ہے کہ ملزمان نے نوجوان سے زمین پر ناک سے لکیریں بنوائی اور ساتھ ساتھ ویڈیو بھی بناتے رہے۔
پولیس کے مطابق ساتھی کھلاڑی پر تشدد کا واقعہ 2 ہفتے قبل پیش آیا لیکن اس کی رپورٹ آج کی گئی ہے۔
پولیس ترجمان عامر وحید کا کہنا ہے کہ ملزمان کی شناخت ہوگئی ہے، ان کے خلاف تھانہ ماموں کانجاں میں مقدمہ درج کرلیا گیا ہے، ملزمان کی گرفتاری کے لیے چھاپے مارے جارہے ہیں۔