کراچی: ملائیشیا کے ایوان یون نے چیف آف دی نیول اسٹاف اسکواش چیمپیئن شپ جیت لی۔
چیف آف دی نیول اسٹاف اسکواش چیمپیئن شپ کے فائنل میں ملائیشین کھلاڑی کا مقابلہ پاکستان کے طیب اسلم سے تھا۔
فائنل کا پہلا گیم طیب اسلم نے جیتا اور حریف کھلاڑی کو 7-11 سے شکست دی جبکہ دوسرے گیم میں ایوان یون نے شاندار کم بیک کیا اور طیب اسلم کو 4-11 سے شکست دی۔
ملائشین کھلاڑی نے تیسرا گیم 4-11 اور آخری گیم 7-11 سے جیت کر ٹائٹل اپنے نام کیا۔
مہمان خصوصی کمانڈر پاکستان فلیٹ وائس ایڈمرل آصف خالق نے کھلاڑیوں میں انعامات تقسیم کیے، اس موقع پر اسکواش لیجنڈ جہانگیر خان بھی موجود تھے۔