انگلش کرکٹ بورڈ نے کورونا وائرس کے باعث سری لنکا میں ہونے والی ٹیسٹ سیریز منسوخ کردی۔
برطانوی نشریاتی ادارے کے مطابق انگلش کرکٹ بورڈ کی جانب سے فیصلہ سامنے آنے کے بعد سری لنکا میں موجود انگلینڈ کے تمام کھلاڑی اور اسٹاف فوری طور پر انگلینڈ واپس روانہ ہوگا۔
انگلش کرکٹ بورڈ کی جانب سے جاری بیان میں کہا گیا ہےکہ ہمارے کھلاڑیوں اور معاون عملے کی جسمانی و ذہنی صحت سب سے اہم ہے۔
انگلش بورڈ نے موجودہ صورتحال پر ساتھ دینے پر سری لنکن کرکٹ بورڈ سے اظہارِ تشکر کرتے ہوئے کہا ہےکہ ہم سیریز کو پورا کرنے کے لیے مستقبل قریب میں سری لنکا واپسی کا فیصلہ کریں گے۔
واضح ر ہےکہ انگلینڈ اور سری لنکا کے درمیان دو ٹیسٹ میچوں کی سیریز گالے میں 19 مارچ سے شروع ہونا تھی۔
واضح رہے کہ کورونا وائرس کے باعث بھارت میں انڈین پریمیئر لیگ بھی منسوخ کردی گئی ہے جب کہ بنگلا دیش کی ٹیم نے دورہ پاکستان منسوخ کردیا ہے، اس کے علاوہ کراچی میں ہونے والے پی ایس ایل کے مزید میچوں کو بغیر تماشائیوں کے کرانے کا فیصلہ کیا گیا ہے۔