شیخوپورہ میں شہ رگ کاٹ کر قتل کیے جانے والے یونس مسیح کے قاتلوں کو گرفتار کر لیا گیا۔
پولیس کے مطابق شیخوپورہ کے گاؤں داؤ کی ملیاں کے کھیتوں سے تین دن پہلے یونس مسیح نامی شخص کی شہ رگ کٹی لاش برآمد ہوئی تھی جس کا مقدمہ مقتول کے بھائی جارج مسیح کی مدعیت میں درج کیا گیا۔
پولیس کے مطابق قتل میں یونس مسیح کی بیوی اور اس کا آشنا ملوث پائے گئے ہیں۔
ایف آئی آر کے مطابق یونس مسیح کو اس کی بیوی نجمہ کے ایماء پر اس کے مبینہ آشنا عرفان نے قتل کیا جس پر نجمہ اور عرفان کو گرفتار کر لیا گیا ہے۔