کراچی میں 54 سالہ پولیس اہلکار شکیل احمد عالمگیر وبا کورونا وائرس کے باعث شہید ہو گیا۔
پولیس اہلکار شکیل احمد سولجر بازار تھانے میں تعینات تھا اور 4 جون سے اسپتال میں زیر علاج تھا۔
شکیل احمد کے انتقال کے بعد سندھ پولیس میں کورونا وائرس سے جاں بحق ہونے والے اہلکاروں کی تعداد 9 ہوگئی ہے۔
سندھ پولیس میں اب تک 449 پولیس افسران و اہلکاروں میں کورونا وائرس کی تشخیص ہو چکی ہے۔
دوسری جانب 129 پولیس اہلکار صحت یاب ہو چکے ہیں جب کہ 311 قرنطینہ میں ہیں۔