پنجاب کے مختلف شہروں میں اس وقت دھند کا راج ہے اور کئی مقامات پر حد نگاہ صفر ہے۔
چیچہ وطنی اور گردونواح میں دھند ہے جبکہ نیشنل ہائی وے پر حدنگاہ صفر ہو گئی ہے اور ٹریفک کو قافلوں کی شکل میں گزارا جا رہا ہے۔
دھند کی وجہ سے موٹر وے ایم 2 لاہور سے شیخوپورہ تک اور موٹر وے ایم 3 لاہور سے درخانہ تک بند کر دی گئی ہے جبکہ موٹروے ایم 4 پنڈی بھٹیاں سے شام کوٹ تک اور موٹروے ایم 5 ملتان سے روہڑی تک بند ہے۔
موٹر وے ایم 4 گوجرہ سے شور کوٹ تک بھی بند ہے جبکہ ملتان سے خانیوال تک ٹریفک کی روانی بھی متاثر ہے۔
موٹر وے پولیس کی جانب سے شہریوں کو ہدایت کی گئی ہے کہ دوران سفر فوگ لائٹس کا استعمال کریں اور اوورٹیکنگ سے گریز کریں۔