بھارت کے معروف اداکار ، ہدایت کار اورگلوکار شیکھرسمن نے اپنی دولت پرسوال اٹھانے پر بتایا ہےکہ وہ اتنی پرتعیش زندگی کیسے گذارتے ہیں۔
شیکھر سمن نے گذشتہ روزٹوئٹرپر ایک پوسٹ میں اپنے خوبصورت اور عالیشان گھر کی چند تصاویر شیئر کی تھیں جس پر ایک صارف نے سوال کیا کہ اتنے پیسے آئےکہاں سے ؟
صارف کے سوال پر شیکھر نے انہیں جواب دیتے ہوئے لکھا کہ محنت سے، لگن سے اور ایمانداری سے۔
ایک اور ٹوئٹ میں شیکھر نے ایک اخباری تراشہ پوسٹ کیا اور لکھا کہ اب سمجھ آیا ؟
اخبار میں شیکھر سمن کو بھارتی ٹیلی ویژن کا امیتابھ بچن قرار دیا گیا تھا اورلکھا تھا کہ وہ بھارتی ٹیلی ویژن کے پہلے سپر اسٹار ہیں اور وہ کسی بھی دوسرے اداکار کے مقابلے میں 6 گنا زیادہ معاوضہ وصول کرتے ہیں۔