راولپنڈی شہری انتظامیہ نے رمضان المبارک کے دوران شہر میں کورونا ویکسین سینٹرز کے اوقات کار تبدیل کر دیے۔
کمشنر راولپنڈی کے مطابق رمضان المبارک میں کورونا ویکسین سینٹرز دو الگ الگ شفٹوں میں کام کریں گے۔
کمشنر کا کہنا ہے ہے رمضان میں ویکسین سینٹرز کی مارننگ شفٹ صبح 10 تا شام 4 بجے ہو گی جب کہ ایوننگ شفٹ افطار کے بعد یعنی رات 9 سے ایک بجے ہوگی جس کے دوران شہری ویکسین لگوا سکتے ہیں۔
یاد رہے کہ پاکستان میں حکومت کی جانب سے اس وقت دو چینی ویکسینز لگائی جا رہی ہیں۔ حکومت ویکسین کے لیے اس وقت صرف 50 سال سے زائد عمر کے افراد ہی رجسٹریشن کے اہل ہیں تاہم روسی ویکسین اسپوتنک نجی سطح پر لوگ لگوا سکتے ہیں۔