ملتان میں مبینہ طور پر رشتے سے انکار پر لڑکی پر تیزاب پھینک دیا گيا جبکہ 24 سالہ متاثرہ لڑکی کو نشتر اسپتال منتقل کردیا گیا۔
ملتان میں تھانہ صدر کے علاقے کرم ٹاؤن میں رشتے سے انکار پر 24 سالہ لڑکی پر رشتہ کے خواہش مند نوجوان شہزاد نے مبینہ طور پر تیزاب پھینک دیا۔
متاثرہ لڑکی کو نشتر اسپتال منتقل کر دیا گیا جہاں ڈاکٹرز کے مطابق خاتون کی حالت خطرے سے باہر ہے۔
پولیس نے ملزم شہزاد کی گرفتاری کیلئے چھاپے مارنے شروع کر دیے۔