LIVE

سندھ، حفاظتی ٹیکوں کے مراکز کو کورونا ویکسینیشن سینٹر بنانے کا فیصلہ

ویب ڈیسک
May 05, 2021
 

محکمہ صحت سندھ نے صوبے کے تمام حفاظتی ٹیکوں کے مراکز کو کورونا ویکسینیشن سینٹر بنانے کا فیصلہ کیا ہے۔

ڈائریکٹر جنرل ہیلتھ نے تمام ضلعی صحت کے افسران اور ایم ایس کو احکامات دیے ہیں کہ ہر ضلع کے حفاظتی ٹیکوں کے مرکز سے کورونا ویکسین بھی لگوائی جا سکے گی، تمام ضلعی صحت کے افسر کے دفاتر میں کنٹرول روم بنایا جائے گا اور نجی اسپتالوں میں بھی ویکسینیشن سینٹر بنائے جائیں۔

ڈی جی ہیلتھ نے ویکسین کی کولڈ چین مینجمنٹ کو لازمی برقرار رکھنے کے لیے اقدامات کرنے کے احکامات بھی جاری کیے ہیں، اس کے علاوہ تمام مراکز میں بجلی اور ٹیلی فون کے انتظامات کرنے کا بھی کہا گیا ہے۔