پاکستان شوبز انڈسٹری کی مقبول جوڑی سارہ خان اور فلک شبیر کی بچوں کے لیے شاپنگ کی ویڈیو وائرل ہو گئی۔
مقبول فوٹو شیئرنگ ایپ انسٹاگرام اسٹوری پر اداکارہ کے شوہر اور گلوکار فلک شبیر کی جانب سے ایک ویڈیو شیئر کی گئی ہے جس میں سارہ خان کو شاپنگ کے دوران بچیوں کے ٹاپ میں دلچسپی لیتے دیکھا جاسکتا ہے۔
ویڈیو میں فلک شبیر سارہ خان سے سوال کرتے سنے جاسکتے ہیں کہ وہ کس کے لیے لے رہی ہیں جس پر سارہ خان کو ٹاپ رکھ کر مسکراکر جاتے دیکھا جا سکتا ہے۔
خیال رہے کہ سارہ خان کے امید سے ہونے کی خبریں تیزی سے وائرل ہوئی تھیں اور یہ خبریں اس وقت وائرل ہوئیں جب فلک شبیر کی جانب سے انسٹاگرام اسٹوری پر ایک تصویری پیغام شیئر کیا گیا جسے دیکھ کر مداحوں میں یہ تاثر پیدا ہوا کہ اداکارہ سارہ خان امید سے ہیں۔