بھارت میں قومی ہیرو اور مسیحا کے لقب سے مشہور سماجی کارکن اور اداکار سونو سود کے مداح نے اپنے خون سے ان کی تصویر بنائی جس پر اداکار نے ناراضی کا اظہار کیا۔
بھارت میں جب سے کورونا وائرس کی وبا نے زور پکڑا ہے تب سے ہی اداکار اپنی سماجی خدمات پیش کررہے ہیں، انہوں نے کئی اسپتالوں میں وینٹی لیٹرز، مختلف ادویات اور آکسیجن ازخود فراہم کی۔
ایسے میں ایک مداح نے ان کی کاوشوں کو سراہتے ہوئے اپنے خون سے اداکار کی تصویر بنائی جس پر سونو سود ناخوش دکھائی دیے۔
بھارتی میڈیا کے مطابق بالی وڈ اداکار نے اس حرکت کو غلط قرار دیتے ہوئے مداح کو صلاح دی اور کہا کہ اپنا خون اس تصویر میں ضائع کرنے کے بجائے عطیہ کرنا چاہیے تاکہ کسی انسان کی زندگی بچ سکے۔