بھارتی ٹیلی ویژن اداکارہ فلک ناز نے پاکستان کی معروف ماڈل اور اداکارہ صباقمر کو اپنی پسندیدہ اداکارہ قرار دے دیا۔
حال ہی میں اداکارہ صباقمر نے انسٹاگرام اسٹوری پر بھارتی اداکارہ فلک ناز کی اسٹوری کا اسکرین شاٹ اپنی اسٹوری پر شیئر کیا۔
اسٹوری میں دیکھاجاسکتا ہے کہ اداکارہ فلک ناز سے سوال جواب کے سیشن کے دوران انٹرنیٹ صارفین نے ان کی پسندیدہ پاکستانی اداکارہ سے متعلق سوال کیا۔
سوال کے جواب میں اداکارہ فلک ناز نے صباء قمر کا نام لکھتے ہوئے انہیں اپنا لیڈی کرش قرار دیا۔
خیال رہے کہ اس سے قبل پاکستانی اداکار عمران عباس کے لیے بھی بھارتی شخصیات کی جانب سے پسندیدگی کا اظہار کیا جاچکا ہے۔