کراچی کے علاقے کورنگی میں بینک میں ڈکیتی کی کوشش ناکام بناتے ہوئے ایک ڈاکو کو ہلاک کر دیا گیا جبکہ ایک زخمی ہو گیا۔
ایس ایس پی کورنگی شاہ جہاں خان نے بتایا کہ کورنگی کے علاقے میں واقع ایک بینک میں 4 ڈاکو داخل ہوئے تھے، اطلاع پر پولیس موقع پر پہنچ گئی۔
انہوں نے بتایا کہ پولیس مقابلے میں ایک ڈاکو ہلاک ہو گیا جبکہ ایک زخمی ہو گیا اور دیگر دو ساتھیوں کے ساتھ فرار ہو گیا۔
ایس ایس پی کورنگی کا کہنا ہے کہ بینک میں ڈکیتی کی کوشش ناکام بناتے ہوئے ملزمان کی موٹر سائیکلیں اور اسلحہ تحویل میں لے لیا گیا ہے جبکہ فرار ڈاکوؤں کی گرفتاری کے لیے کوششیں کی جا رہی ہیں۔