حکومت نے ستمبر کے لیے تاریخ کی مہنگی ایل این جی خریدی جب کہ طویل مدتی معاہدوں کی اوسط کے مقابلے میں 13 ارب روپے اضافی ادا کیے جائیں گے۔
جیونیوز کے پروگرام آج شاہ زیب خان زادہ کے ساتھ میں اس حوالے سے اہم حقائق سامنے لائے گئے۔
ستمبر میں سستے ریٹ ملنے کے باوجود ٹینڈر منسوخ کرکے سوا 3 ارب روپے کا نقصان کیا گیا اور جولائی میں سستا ٹینڈر منسوخ کرکے دوبارہ مہنگا ٹینڈر کر نے سے 50 کروڑ روپے کا نقصان ہوا جب کہ اکتوبر سے اب تک حکومت نے 44 ایل این جی کارگو کے اسپاٹ ٹینڈر کیے ہیں۔
گزشتہ حکومت کے تین طویل مدتی معاہدوں کی اوسط 12.8 فیصد ہے، پاکستان نے طویل مدتی معاہدوں میں 30 ارب روپے سے زائد اسپاٹ کارگوکی مد میں اداکیے، اگر حکومت کورونا کے دوران سستے ترین ریٹ پر طویل مدتی معاہدےکرلیتی تو اربوں روپے بچالیتی۔