افغانستان کے دارالحکومت کابل پر کنٹرول کے بعد طالبان کی جم میں ورزش کرتے اور پارک میں جھولے لیتے ہوئے ویڈیوز سامنے آئی تھیں تاہم اب طالبان کی آئس کریم پارلر کی بھی کچھ تصاویر اور ویڈیو منظر عام پر آئی ہیں۔
ویڈیو میں چند طالبان کو آئسکریم پارلر میں بیٹھے آئسکریم کھاتے دیکھا جاسکتا ہے اور ان کی یہ ویڈیو سوشل میڈیا پلیٹ فارمز پر وائرل ہیں۔
جب کہ افغان طالبان کی آئس کریم سے لطف اندوز ہوتے ہوئے یہ تصویر بھی خاصی وائرل ہے جس پر مختلف تبصرے بھی کیے جارہے ہیں۔